11 қазанда The Ritz-Carlton, Almaty қонақүйінде БҰҰ Балалар қорының 80 жылдығына орайластырылған UNICEF Anniversary Gala 2026 қайырымдылық кешінің таныстырылымы өтті.
Гала кеш асы 20 қарашада өтеді. Оған 200-ге жуық бизнес көшбасшысы, меценаттар, дипломаттар мен мәдениет қайраткерлері жиналады.
Биыл жиналған қаражат балаларды зорлық-зомбылық пен буллингтен, соның ішінде цифрлық ортада қорғауға жұмсалады. Қазір Қазақстанда әрбір алтыншы оқушы қудалауға үнемі тап болады. Бағдарлама 1 млн оқушыны қамтиды. Ал 15 мың мұғалім, психолог, заңгер және полиция қызметкері қайта даярлаудан өтеді. Сонымен қатар барлық 20 өңірде зардап шеккен балаларға «бір терезе» қағидаты бойынша көмек көрсететін орталықтар ашылады.
Өткен жылғы кеш жасөспірімдердің психикалық денсаулығын қолдауға рекордтық 283 млн теңге жинады. Биылғы аукционда басқа лоттармен қатар 1969 жылғы мұражайлық тұскиіз бен Сальвадор Далидің «Тристан мен Изольда» сериясындағы эстампы ұсынылады. Қайырымдылық кешінің сахнасында опера әншісі Мария Мудряк, Dequine, The Jigits және ALEM өнер көрсетеді.
Бизнес қауымдастығы үшін, соның ішінде YPO мүшелері үшін Gala балаларды қорғаудың ұзақ мерзімді жүйелі бағдарламасына үлес қосу мүмкіндігі. Көпшілігіміз өзіміз де ата-анамыз және баланың мектепке қорықпай баруы қаншалықты маңызды екенін жақсы білеміз. Компаниялар құрып, салаларды өзгертіп жүрген адамдар балалардың қауіпсіздігіне күш салғанда, олар елдің болашағын да құрады.
